Tiltaket går ut på å utarbeide forprosjekt og detaljprosjektering for framtidig flaumsikring av Byrkjelo sentrum mot 200-årsflaum. Behovet for sikring er dokumentert gjennom flaum- og vasslinjeberekning utført av SWECO AS, der modellen syner at store delar av Byrkjelo sentrum vert råka av ein 200-årsflaum. Behovet er særskilt knytt til beredskap i området då brannstasjon vert råka, i tillegg til at hovudfertselsåre E39 også er flaumutsett. Detaljprosjekteringa skal omfatte kostnadsoverslag og konkurransegrunnlag for utlysing av anleggskontrakt. Tiltaket skal prosjekterast og kontrollerast av føretak med kompetanse på fagområdet.