Skyss førebur utlysing av nye båtkontraktar i Hordaland. Det er forankra i fylkesutvalet at konkurranseutsetjinga av båtrutene skal bidra til å nå mål om nullutslepp innan 2030. For å redusere meirkostnadane ved utsleppskutt vil endringar i rutetilbodet også bli vurdert. I alle endringar på rutetilbodet skal kundanes reisebehov veie tyngst. Denne marknadsførespurnaden handlar særskilt om relevante energikonsept for rutene Leirvik–Bergen og Rosendal–Bergen, risikofordeling knytt til energieffektivt design og det ønska handlingsrommet for endringar i rutetilbodet. Skyss ønskjer god dialog med operatørar, skipsdesignarar og verft for å utforme tenlege rammevilkår for rutetilbodet og utsleppskutt i konkurransen. Vi ber om at innspel vert sendt til eposten anna.lena.jammer@skyss.no innan 30.4.24. På førehand takk!